කොවිඩ් රෝගීන් සංඛ්‍යාව ඉහළයාමත් සමග වික්ටෝරියා ප්‍රාන්තයේ රෝහල්වල දැඩි ඇඳන් හිගයක් හටගෙන තිබෙනවා.
දැඩි සත්කාර ඒකකවලින් මුදා හරින රෝගීන් සාමාන්‍ය වාට්ටු වෙත යොමු කිරීම වෙනුවට නිවෙස් කරා පිටත්කර හැරීම ඒ අනුව සිදුවන බව සඳහන්.
කෙසේවෙතත් කිසිදු රෝගියෙකු සුවය ලැබීමට පෙර මුදා නොහරින බවටයි සෞඛ්‍ය අංශ සහතික වන්නේ.
කොවිඩ් ආසාධිතයන් සහ ආශ්‍රිතයන් වීම හමුවේ සෞඛ්‍ය සේවකයන් විශාල පිරිසක් හුදකලා කර සිටීමද ප්‍රතිකාර සැපයීමට දැඩි බාධාවක් වී තිබෙනවා.
හෙද අධ්‍යාපනය හදාරන සිසුන් අතුරින් 02 වන සහ 03 වන වසරේ සිසුන් වික්ටෝරියා ප්‍රාන්තයේ රෝහල් සඳහා අනුයුක්ත කිරීමට පියවර ගැණුනේද මෙම සේවක හිගය මගහරවාලීමේ අරමුණ ඇතිවයි.
