හයිපර්සොනික් සහ දිගුදුර මිසයිල අත්හදා බැලීම සඳහා ඔස්ට්‍රේලියානු භූමිය යොදාගැනීම කෙරෙහි අමෙරිකාවේ අවධානය යොමුවී තිබෙනවා.
ඒ අමෙරිකාව – ඔස්ට්‍රේලියාව සහ මහා බ්‍රිතාන්‍යය විසින් ඇතිකරගත් (AUKUS) ඕකුස් ආරක්ෂක ගිවිසුමෙහි ප්‍රතිපාදන යටතේයි.
මනුෂ්‍ය වාසයෙන් තොර විශාල භූමි ප්‍රමාණයක් ඔස්ට්‍රේලියාව සතු බැවින් මිසයිල අත්හදා බැලීම සඳහා සුදුසු වටපිටාවක් එහි අන්තර්ගත බවයි අමෙරිකානු ආරක්ෂක අංශ පෙන්වා දෙන්නේ.
මෙම ගිවිසුම යටතේ ඉදිරියේදී ඔස්ට්‍රේලියාවට න්‍යෂ්ඨික බලයෙන් ක්‍රියාත්මක සබ්මැරීන කිහිපයක් ද ලැබෙනු ඇති.
මිසයිල අත්හදා බැලීමේ යෝජනාව සම්බන්ධයෙන් ඉදිරියේදී ඔස්ට්‍රේලියාව සමග පුලුල්ව සාකච්ඡා කර අවසන් තීරණයක් ගැනිමටයි අමෙරිකාව සූදානම් වන්නේ.
