රථවාහන වැරදි සිදුකරන රියදුරන් හේතුවෙන් ක්වීන්ස්ලන්ඩ් ප්‍රාන්ත රජය විසින් පසුගිය වසරේදී උපයාගෙන ඇති දඩ මුදල ඩොලර් මිලියන 274.5 ක් බව අනාවරණ වී තිබෙනවා.
ඒ අනුව ගතවූ මාස 12 දී අයකර ඇති දඩ මුදල් ප්‍රමාණයේ වැඩිවීම සියයට 36 ක් ලෙසයි තක්සේරු කර ඇත්තේ.
මෙලෙස දඩ මුදල් සීඝ්‍රයෙන් ඉහළගොස් ඇත්තේ ජංගම දුරකථන භාවිතය සහ වැරදි සහගත ලෙස ආසන පටි පළඳින රියදුරන් හඳුනාගැනීම සඳහා නිරීක්ෂණ කැමරා යොදාගැනීමට ප්‍රාන්ත රජය පියවර ගැනීමත් සමගයි.
එම වැරදි දෙක සඳහාම ඩොලර් 2000 ඉක්මවූ දඩ ක්වීන්ස්ලන්ඩ් හිදී නියම කල හැකි වනවා.
මේ අනුව අදාළ ආදායම දිනකට ඩොලර් 752,000 ක් හෙවත් විනාඩියකට ඩොලර් 500 ක් පමණ වනවා.
