ඔස්ටේ්‍රලියාව තුළ වයස අවුරුදු 05 ත් 11 ත් අතර ළමුන්ට කොවිඩ් එන්නත්කරණය අද ආරම්භ වනවා.
සෞඛ්‍ය අමාත්‍ය ග්‍රෙග් හන්ට් සඳහන් කලේ අදාළ වයස් කාණ්ඩයේ ළමුන් ලක්ෂ 23 කට මෙහිදී ෆයිසර් එන්නත් ලබාදීමට නියමිත බවයි.
මෙම සියල්ලන්ට දෙවන මාත්‍රාව ලබාදීම සඳහා අවශ්‍ය එන්නත් මාත්‍රාද තවත් සති 02 ක් වනවිට ලැබී අවසන් වනු ඇති බවයි සෞඛ්‍ය අමාත්‍යවරයා කියාසිටියේ.
දෙමව්පියන්ට සිය දරුවන් වෙනුවෙන් එන්නත්කරණය සඳහා ඔන්ලයින් ක්‍රමයට දිනයක් හා වේලාවක් වෙන් කරවා ගැනීමටද අවස්ථාව පවතිනවා.
අගමැති ස්කොට් මොරිසන් පසුගියදා පැවසුවේ පාසල් අධ්‍යයන කටයුතු හැකි ඉක්මණින් ආරම්භ කිරීමේ අරමුණ ඇතිව ළමුන් එන්නත්කරණය වේගවත් කිරීමට පියවර ගන්නා බවයි.
