Day: May 24, 2021

වික්ටෝරියා ප්‍රාන්තයෙන් අද හමුවූ කොවිඩ් ආසාධිතයන් 04 දෙනා ගමන් කල ස්ථාන මේ වනවිට ප්‍රකාශයට පත් කර තිබෙනවා. ඔවුන් 04 දෙනාම එකම පවුලක සාමාජිකයන් නමුත් වාසය කර ඇත්තේ නිවාස 02 කයි. ඒ අනුව පහත වේලාවන්හිදී පහත ස්ථානවල සිටි අය වෙතොත් වහා කොවිඩ් පරීක්ෂණ වෙත යොමුවන ලෙස දැනුම් දී තිබේ. Jump Swim School, Bundoora: 8.55am-10am, May 21 Highpoint Shopping Centre: 5pm-8pm, May 20 ආසාධිතයන් අතර සිටින දැරිය පසුගිය 21 වනදා හි පිහිණුම් පංතියකටද සහභාගී වී ඇත. වික්ටෝරියානු

දින 86 කට පසු වික්ටෝරියා ප්‍රාන්තයෙන් අද (24) දිනයේදි කොවිඩ් ආසාධිතයන් 04 දෙනෙකු හමුවී තිබේ. ඔවුන් සියලු දෙනා උතුරු මෙල්බර්න් කලාපයෙනුයි. පිරිමි දෙදෙනෙකු / වයස්ගත කාන්තාවක සහ පෙර පාසල් වයසේ පසුවන දැරියක මේ අතර වනවා. ඔවුන්ගේ ආශ්‍රිතයන් සොයා මේ වනවිට සෞඛ්‍ය අංශ විමර්ශන ආරම්භ කර ඇත. නිරෝධායනයේ යෙදී සිටියදී කොවිඩ් ආසාධිත වූ මෙල්බර්න් නගරවාසියා සහ මෙම ආසාධිතයන් 04 දෙනා අතර සබඳතාවයක් ඇතිදැයි මේ දක්වා තහවුරු වී නැහැ.

විදුලි බිඳ වැටීමක් හේතුවෙන් බි්‍රස්බන් ගුවන් තොටුපළේ දැඩි ප්‍රමාදයක් හටගෙන තිබෙනවා. ගමන් මලු – Check-In සහ ආරක්ෂණ ඇතුලු සියලු සේවා පැය 02 කට වැඩි කාලයක් ඇණහිට තිබූ බවයි වාර්තා වන්නේ. මේ අනුව ස්වයංක්‍රීය ක්‍රමයෙන් බැහැරව Manual ක්‍රමයට සියලු කටයුතු පවත්වාගෙන යාමට බි්‍රස්බන් ගුවන් තොටුපළ බළධාරීන්ට සිදුවී තිබෙනවා. මේ හේතුවෙන් පිටත්වන සහ පැමිණෙන සියලු ගුවන් යානාවල ප්‍රමාදයන් පවතින බවද බළධාරීන් පවසනවා.