Day: April 11, 2021

නවතම “ෆොර්බ්ස් වාර්ෂික ධනවතුන්ගේ ලැයිස්තුව” අනුව ලොව වැඩිම “බිලියනපතියන්” සිටින නගරය වන්නේ චීනයේ බීජිං නගරය යි. එම සඟරාවට අනුව පසුගිය වසරේදී බීජිං නගරයේ නව බිලියනපතියන් 33 දෙනෙක් වාර්තා වී තිබේ. ඒ අනුව එම නගරයේ මේ වනවිට බිලියනපතියන් 100 ක් සිටී. ඒ අනුව එක්සත් ජනපදයේ නිව් යෝර්ක් නගරය අභිබවා යෑමට බීජිං නගරය සමත්විණි. එහි සිටින බිලියනපතියන් ගණන 99කි. කොවිඩ් වසංගතය පාලනයට සමත්වීමත් විශේෂයෙන්ම ඉලෙක්ට්‍රොනික් තාක්ෂණික සමාගම සහ කොටස් වෙළෙඳපොළේ වර්ධනය ඊට හේතුවූ බව ෆොර්බ්ස් සඟරාවේ දැක්වේ.

කොවිඩ් වසංගත තත්වය හමුවේ ඔස්ටේ්‍රලියාවේ සිනමා කර්මාන්තය සඳහා දී තිබූ සහන තවත් මාස 06 කින් දීර්ඝ කර තිබෙනවා. සන්නිවේදන අමාත්‍ය Paul Fletcher පැවසුවේ ඩොලර් මිලියන 50 ක හදිසි ණය අරමුදල යටතේ වන සහන ද එහිදී දීර්ඝ කර ඇති බවයි. එමෙන්ම මෙම කාලසීමාවේදී රූගත කර මෙතෙක් තිරගත කර නොමැති චිත්‍රපටවලින් අය කෙරෙන බදු ප්‍රමාණය කප්පාදු කිරීමේ තීරණයද ඒ යටතේ දීර්ඝ කෙරෙනු ඇති. කොවිඩ් තත්වය ක්‍රම ක්‍රමයෙන් යහපත් අතට පත්වීමත් සමග විවෘත ප්‍රසංග සඳහා පණවා ඇති සීමා

බ්‍රිස්බන් නගර මධ්‍යයේදී 16 හැවිරිදි තරුණයෙකුට තියුණු ආයුධයකින් පහරදී ඝාතනය කිරීමේ චෝදනාවකට අදාළව තවත් තරුණයන් දෙදෙනෙකු අත්අඩංගුවට ගෙන තිබේ. පසුගිය බ්‍රහස්පතින්දා රාත්‍රී 08 ට පමණ මෙම සිදුවීම වාර්තා වී තිබුණා. සිද්ධියට අදාළව අත්අඩංගුවට ගෙන ඇත්තේ 16 හැවිරිදි සහ 17 හැවිරිදි තරුණයන් දෙදෙනෙකුයි. මොවුන් 03 දෙනා අතර ඇතිවූ කිසියම් බහින්බස්වීමක් හේතුවෙන් මෙම ඝාතන සිදුවන්නට ඇති බවටයි සැක කෙරෙන්නේ.

Seroja සුළි කුණාටුව ඉදිරි පැය කිහිපය තුළ බටහිර ඔස්ටේ්‍රලියාවන් ගොඩබිමට ඇතුලුවනු ඇති බවට අනාවැකි පළවනවා. වෙරළාසන්න Denham නගරයට එහි වැඩිම බලපෑම එල්ලවනු ඇතැයි සඳහන්. පැයට කිලෝමීටර් 165 ක වේගයෙන් සුළං හමායන Seroja සුළි කුණාටුව හමුවේ දරුණු ජලගැලීම් තත්වයක් හටගන්නා බවටයි කාළගුණ අංශ අනතුරු අගවා සිටින්නේ. හෙට (සඳුදා) පස්වරුව වනවිට Seroja සුළි කණාටුවේ ප්‍රබලත්වය දුර්වල වනු ඇති බවටද විශ්වාස කෙරේ.