ක්වීන්ස්ලන්ඩ් ප්‍රාන්තයෙන් ඊයේ දිනයේදී තවත් කොවිඩ් ආසාධිතයන් 03 දෙනෙකු සටහන්වී ඇත.
පසුගිය 09 වනදා සිඩ්නි සිට පැමිණි වයස අවුරුදු 12 ක පිරිමි දරුවෙකු හා ඔහුගේ පියාද ඒ අතර වෙයි.
මෙම දරුවා හා පියා අමෙරිකාවේ සිට සිඩ්නි දක්වා පැමිණ ඇති අතර අනතුරුව ක්වන්ටාස් ගුවන් යානයක් මගින් බ්‍රිස්බන් දක්වා පැමිණ තිබේ.
දරුවාගේ මව සෘණාත්මක බව තහවුරු වී තිබේ.
එමෙන්ම කොවිඩ් මාත්‍රා 02 ම ලබා ගත් බ්‍රිස්බන් ගුවන් තොටුපළ සේවිකාවකද කොවිඩ් ආසාධිත බවට ඊයේ හඳුනාගෙන තිබේ.
එය බරපතල අවධානම් තත්වයක් බව ක්වීන්ස්ලන්ඩ් සෞඛ්‍ය අංශ කියයි.
ඇය වෛරසය වැළඳීමෙන් පසු දින 03 ක් සේවය කර ඇත.
මේ අනුව ප්‍රදේශ 11 ක හෙට දිනයෙන් අවසන්වීමට නියමිතව තිබූ දැනට බලාත්මක කොවිඩ් සීමා තවත් සතියකට දීර්ඝ කිරීමටයි බළධාරීන් තීරණය කර ඇත්තේ.
