ගතවූ පැය 24 තුළ නිවු සවුත් වේල්ස් ප්රාන්තයෙන් කොවිඩ් ආසාධිතයන් 44 දෙනෙකු වාර්තා වී ඇත.
මේ අතර අද පස්වරු 05 සිට සිඩ්නි නගරයට තවත් සීමා කිහිපයක් පණවා තිබේ.
ඒ අනුව එකවර එක් ස්ථානයක ශරීර සුවතාවල නිරතවිය හැකිවනුයේ 02 දෙනෙකුට පමණි. මෙතෙක් එය 10 ක් ලෙස පැවතිණ.
ඒ සඳහා යාමට හැකි වන්නේද කිලෝමීටර් 10 ක දුරකට පමණි.
වෙළඳසැල් තුළ සාප්පු සවාරියේ යෙදීමට අවසර නැත. අත්යවශ්යම ද්රව්ය මිළදී ගැනීමට පමණක් නිවසකින් එක් අයෙකුට පිටතට යා හැකිය
ලබන ඉරිදා සිට අවමංගල්ය උත්සව සඳහා සහභාගී වීමට හැකි සංඛ්යාව 10 කට සීමා කෙරේ.
අඛණ්ඩව 09 වන දිනයටත් වික්ටෝරියා ප්රාන්තයෙන් කිසිදු කොවිඩ් ආසාධිතයෙකු වාර්තා වී නොමැත.
ඊයේ දිනයේදී පරීක්ෂණ 25,000 ක් සිදුකර ඇති අතර හෝටල් නිරෝධායනයේ යෙදී සිටි එක් අයෙකු පමණක් ආසාධිත බව හෙළිවී තිබේ.
මේ අතර ඊයේ මධ්යම රාත්රියේ සිට වික්ටෝරියා ප්රාන්තයේ නිරෝධායන සීමා ලිහිල් කෙරිණ.
ක්වීන්ස්ලන්ඩ් ප්රාන්තයෙන්ද ඊයේ දිනයේදී කිසිදු ආසාධිතයෙකු වාර්තා වී නොමැත.
මේ අතර Northern Territory ප්රධාන අමාත්ය Michael Gunner පැවසුවේ සැලසුම් කර ඇති පරිදි අද පස්වරු 01 සිට Lockdown සීමා ලිහිල් කෙරෙන බවයි.