COVID 19 යන වචනයට සමාන වන අයුරින් සිය වාහන අංකය සකස් කල මෙල්බර්න් පදිංචි පිරිසිදු කිරීම් කරන්නෙකුගේ වාහන අංකය (number plate) තහනම් කර තිබේ.
CVD 19 ලෙස එම වාහන අංකය සකස් කර ඇතත් එය දුටු විගස පෙනී යන්නේ COVID 19ලෙස බැවින් වික්ටෝරියා ප්රවාහන දෙපාර්තමේන්තුව මෙම තීරණය ගෙන ඇත.
VicRoads විසින් වාහන හිමිකරුට දන්වා ඇත්තේ ලබන 29 වන දිනට පෙර වාහන අංක පුවරුව භාර දෙන ලෙසයි.
කෙසේවෙතත් Peter Smith නම් අදාළ පුද්ගලයා මාධ්ය වෙත සඳහන් කර තිබුණේ පවතින වාතාවරණය හමුවේ බලධාරීන්ට මීට වඩා සිදුකල යුතු දෑ ඇති බවයි.
තම නිවාසවල වහලය මත සූර්ය පැනල සවි කර ඇති ඔස්ට්රේලියානු පවුල් ඒකක විසින්ලශක්ති බිල්පත් සඳහා වසරකට ඩොලර් බිලියන 3ක් ඉතිරි කරන බව නව සමීක්ෂණ මගින් අනාවරණ වී තිබෙනවා.
නව රැකියා අවස්ථා 200ක් පමණ නිර්මාණය කරමින් Kmart සුපරි වෙළඳසල් සමූහය සිඩ්නි බටහිර ප්රදේශයේ තවත් වෙළඳසැලක් විවෘත කර තිබෙනවා.
ඔස්ට්රේලියාවේ විරැකියා අනුපාතය අගෝස්තු මාසය සඳහා ද සියයට 4.2 ප්රතිශතයක් ලෙස ස්ථාවරව පවතින බව සංඛ්යාලේඛන කාර්යාංශය පවසනවා.
දකුණු ඕස්ට්රේලියාවේ කූබර් පෙඩි (Coober Pedy) දිස්ත්රික් කවුන්සිලය සඳහා නව ප්රධාන විධායක නිලධාරියෙකු බඳවා ගැනීම වෙනුවෙන් එම රැකියාව සඳහා ලබාදෙන වැටුප ඩොලර් 274,000 දක්වා ඉහළ නංවා තිබෙනවා.
මාස ගණනාවක් පුරා ඔස්ට්රේලියාවේ දැනට අඩු මිලට පවතින ඉන්ධන තවදුරටත් ඒ ආකාරයෙන් පැවතීම අවිනිශ්චිත බව වෙළඳපොල විශ්ලේෂකයන් පවසනවා.
Don’t miss our future updates! Get Subscribed Today!
