කුසල් මෙන්ඩිස්, ධනුෂ්ක ගුණතිලක සහ නිරෝෂන් දික්වැල්ල ශ්‍රී ලංකාවට / දින 14 ක නීරෝධායනයට

එංගලන්තයේ ක්‍රිකට් තරග සංචාරයක් සදහා ගොස් සිටියදී ජෛව ආරක්ෂණ බුබුළෙන් පිටතට යාමේ චෝදනා එල්ලවූ ශ්‍රී ලංකා ක්‍රිකට් ක්‍රීඩකයන් වන කුසල් මෙන්ඩිස්, ධනුෂ්ක ගුණතිලක සහ නිරෝෂන් දික්වැල්ල ශ්‍රී ලංකාවට පැමිණ තිබෙනවා.

අද පස්වරු 01 යි 15 ට පමණ එංගලන්තයේ ලන්ඩන් නුවර සිට පැමිණි ශ්‍රී ලන්කන් ගුවන් සේවයේ යූ.එල්. 504 දරන ගුවන් යානයෙනුයි ඔවුන් කටුනායකට ළගාවී තිබුණේ.

ඔවුන් දින 14 ක අනිවාර්ය නිරෝධායන ක්‍රියාවලිය සදහා යොමු කිරීමට ශ්‍රී ලංකා යුධ හමුදාව වෙත භාර දුන් බව කටුනායක ගුවන් තොටුපළ කාර්යය භාර නිලධාරීවරයා සඳහන් කලා.

පෙරේදා රාත්‍රී කාලයේ ඩරම් නගරයේ මාර්ගවල සැරිසැරූ බවට මොවුන්ට චෝදනා එල්ල වුණා.

ඒ අනුව ඔවුන් වහාම නැවත මෙරටට කැඳවීමටත් තරග තහණමක් පැණවීමටත් තීරණය කල බවයි ශ්‍රී ලංකා ක්‍රිකට් ආයතනය ඊයේ දිනයේදි නිවේදනයක් නිකුත් කරමින් කියාසිටියේ.

කණ්ඩායමේ කළමනාකරු විසින් ඉදිරිපත් කළ මූලික වාර්තාවක් පදනම් කරගනිමින් මෙම තීරණය ගත් බවද එහි දැක්වුණා.

මේ අතර ශ්‍රී ලංකා – එංගලන්ත පළමු එක්දින ක්‍රිකට් තරගය ශ්‍රී ලංකා වේලාවෙන් අද පස්වරු 03 යි 30 ට ආරම්භවීමට නියමිතයි.

දුම්වැටි අලෙවි කරන්න බලපත්‍ර ක්‍රමයක්

සිල්ලර වෙළඳුන්ට දුම්වැටි අලෙවි කිරීම සඳහා බලපත්‍රයක් ලබා ගත යුතු වන නව ක්‍රමයක් වික්ටෝරියා ප්‍රාන්තය විසින් හඳුන්වා දීමට සැලසුම් කර තිබෙනවා.

Read More »

ඔස්ට්‍රේලියාව සහ සිංගප්පූරුව සම්බන්ධ කරන්න නව ගුවන් ගමනක්

Jetstar Asia විසින් බටහිර ඔස්ට්‍රේලියානු සංචාරක නගරයක් වන බෲම් (Broome) සිට සිංගප්පූරුව දක්වා සහනදායී ගාස්තු සහිත සෘජු ගුවන් ගමන් සේවාවක් ආරම්භ කිරීමට තීරණයක් ගෙන තිබෙනවා.

Read More »

ඔස්ට්‍රේලියාවේ පශු කර්මාන්තයට අවදානමක් ?

ඇමරිකා එක්සත් ජනපදයේ කිරි ගවයින් තුළ දක්නට ලැබෙන කුරුළු උණ ඔස්ට්‍රේලියාවේ පශු කර්මාන්තයට බලපෑමේ අවදානමක් ඇති විය හැකි බවට කනස්සල්ලක් මතුවී තිබෙනවා.

Read More »