ගතවූ පැය 24 තුළ වික්ටෝරියා ප්‍රාන්තයෙන් කිසිදු කොවිඩ් ආසාධිතයෙකු වාර්තා වී නොමැති නමුත් අනෙකුත් ප්‍රාන්ත ගණනාවකින් කොවිඩ් ආසාධිතයන් සටහන්වී තිබේ.
ක්වීන්ස්ලන්ඩ් ප්‍රාන්තයෙන් ගතවූ පැය 24 තුළ කොවිඩ් ආසාධිතයන් දෙදෙනෙකු සටහන්වී ඇති අතර මුහුණු ආවරණ භාවිතය නැවතත් අනිවාර්ය කර ඇත.
ඒ අනුව වෙළඳ සංකීර්ණ – පොදු ප්‍රවාහන – රෝහල් – ආගමික ස්ථාන – කාර්යාල ඇතුලු සෑම ස්ථානයකම මුව ආවරණ භාවිතය අනිවාර්ය බවයි ප්‍රාන්ත අගමැතිනී Annastacia Palaszczuk නිවේදනය කලේ.
Noosa, Sunshine Coast, Ipswich, Logan , Redlands, Brisbane, Gold Coast, Scenic Rim, Lockyer Valley, Moreton Bay and Somerset ප්‍රදේශවල නිරෝධායන සීමා දැඩිව අනුගමනය කල යුතු වනවා.
මේ අතර ඇද වැටීමක් නිසා රෝහල්ගතව ප්‍රතිකාර ලැබූ වික්ටෝරියා ප්‍රාන්ත අගමැති Daniel Andrews දින 111 කට පසු අද මාධ්‍ය හමුවකට එක්වීමට නියමිතයි.
