වහාම ක්‍රියාත්මක වන පරිදි ඔස්ටේ්‍රලියාවේ ප්‍රාන්ත 02 ක සහ territories 02 ක සිට පැමිණෙන පුද්ගලයන්ට සිය ප්‍රාන්තයට ඇතුලුවීමට අවසර නොදීමට දකුණු ඔස්ටේ්‍රලියා ප්‍රාන්ත රජය තීරණය කර තිබේ.
ප්‍රාන්ත අගමැති ස්ටීවන් මාර්ෂල් සඳහන් කලේ Queensland, Western Australia, Northern Territory & ACT සඳහා එය බලාත්මක වන බවයි.
මීට පෙර නිවු සවුත් වේල්ස් ප්‍රාන්තය සමග වන දේශ සීමාව වසා දැමීමටද දකුණු ඔස්ටේ්‍රලියා ප්‍රාන්ත රජය කටයුතු කලේය.
වික්ටෝරියා සිට පැමිණෙන සෑම කෙනෙකුම කොවිඩ් පරීක්ෂණයකට පමණක් ලක් කෙරෙන අතර දකුණු ඔස්ටේ්‍රලියා ප්‍රාන්ත රජය විසින් කිසිදු සීමාවක් පණවා නොමැත්තේ ටස්මේනියා සඳහා පමණි.
වෙනත් ප්‍රාන්තවල සිට අද දිනයේදී ඇඩිලේඩ් දක්වා පැමිණි 03 දෙනෙකු කොවිඩ් ආසාධිතයන් ලෙස තහවුරුවීමත් සමගයි දකුණු ඔස්ටේ්‍රලියා ප්‍රාන්ත රජය මෙම තීරණය ගෙන ඇත්තේ.
Pic – (James Alcock/Sydney Morning Herald)
