හෙට (17) මධ්‍යම රාත්‍රියේ සිට කිලෝමීටර් 25 සීමාව ඉවත් කරන බව වික්ටෝරියා වැඩ බලන ප්‍රාන්ත අගමැති ජේම්ස් මර්ලීනෝ නිවේදනය කලේය.
ඒ මෙල්බර්න් නුවර දැන් පැවැත්වෙන මාධ්‍ය හමුවකදීයි.
එමෙන්ම නාගරික (Metropolitan) සහ Regional ලෙස වික්ටෝරියා ප්‍රාන්තය තුළ ක්‍රියාත්මක වූ සීමා ඉවත් කර එක් ප්‍රාන්තයක් ලෙස යළිත් සැළකෙන බවත් ඔහු සඳහන් කලා.
හෙට මධ්‍යම රාත්‍රියේ සිට වික්ටෝරියා ප්‍රාන්තය තුළ බාහිර ක්‍රියාකාරකම්වලදී මුහුණු ආවරණ පැළඳීම අනිවාර්ය නොවේ.
එහෙත් ගෘහස්ථ කටයුතුවලදී එය තවදුරටත් පැළඳිය යුතු වනවා.
මහජන හමුවීම් සඳහා උපරිමය 20 දෙනෙකුට සහභාගී විය හැකිය.
නිවාස තුළ පැවැත්වෙන හමුවීම් සඳහා බාහිරින් පැමිණෙන දෙදෙනෙකුගේ උපරිමයට යටත්ව සංවිධාන කිරීම් කල හැකිය.
Gyms, indoor entertainment venues, electronic gamingමධ්‍යස්ථාන විවෘත කිරීමටද අවසර හිමිවේ.
Cafes, restaurants and pubs සඳහා උපරිම 25 දෙනෙකුට එකවර සේවය සැපයීමට අවසර ලබාදෙනු ඇත.
අවමංගල්‍ය උත්සවයක් සඳහා උපරිමය 75 දෙනෙකුද / විවාහ මංගල්‍ය උත්සවයක් සඳහා අමුත්තන් උපරිම 20 දෙනෙකුද සහභාගී කරවා ගත හැකිය.
කොණ්ඩා සැකසුම් මධ්‍යස්ථාන – රූපලාවන්‍ය මධ්‍යස්ථාන මුහුණු ආවරණ නොමැතිව සිකුරාදා සිට පවත්වාගෙන යා හැකිය.
කාර්යාල සඳහා සේවකයන්ගෙන් සියයට 50 ක් කැඳවිය හැකි වුවද හැකිතාක් නිවසේ සිට සේවය කරන ලෙසටයි ප්‍රාන්ත වැඩ බලන අගමැතිවරයා ඉල්ලා සිටියේ.
