ඉහළ යන ඉන්ධන මිලට electric vehicles විස‍‍ඳුමක් වෙයිද ?  

ගෝලීය අස්ථාවරත්වය ඉන්ධන ආරක්ෂාවට තර්ජනයක් වන බවට වාර්තා පළ වනවා.

විශ්ලේෂකයින් පෙන්වා දෙන්නේ electric vehicles ඒ සඳහා විසඳුමක් විය වියහැකි බවයි.

මැද පෙරදිග පවතින ගැටුම් හේතුවෙන් ඕස්ට්‍රේලියාවේ ඉන්ධන මිල ලීටරයක් ඩොලර් 2.20 ක් දක්වා ඉහළ යා හැකි බවට අනතුරු ඇඟවුණා.

හෝමූස් සමුද්‍ර සන්ධිය වසා දැමීමේ තර්ජනය ද ඊට ප්‍රබලව බලපෑ සාධකයක් වනවා.

ලෝක ඉන්ධන සැපයුමෙන්  20% ක පමණ ප්‍රමාණයක් මෙම සමුද්‍ර සන්ධිය හරහා ගමන් කරන අතර ඕස්ට්‍රේලියාව ඇතුළු ලෝකයේ බලශක්ති සැපයුමට එය දැඩි බලපෑමක් ඇති කිරීමට සමත් ස්ථානයක් වනවා.

2024 වසරේදී ඕස්ට්‍රේලියාව ඩොලර් බිලියන 38 ක් වටිනා පෙට්‍රල් සහ ඩීසල් ආනයනය කළ අතර, ඒවා රියදුරන්ට ඉහළ මිලකට අලෙවි කරනු ලැබුවා.

එම වසරේ කරන ලද සමීක්ෂණයකින් හෙළි වූයේ රියදුරන් වසරකට ඩොලර් 3,200 ක් ඉන්ධන සඳහා වියදම් කරන බවයි.

electric vehicles මේ සඳහා විකල්පයක් බවයි විශ්ලේෂකයින් පෙන්වා දෙන්නේ.

ඔස්ට්‍රේලියාවේ තෙල් ආනයන පහළ දැමීමට සහ මිල ඉහළ යාමට ඇති බලපෑම් අඩු කිරීමට electric vehicles හේතු වනු ඇති බවට ද ඔවුන් මත පළ කරනවා.