කල් ඉකුත් වූ සැත්කම් සඳහා රැඳී සිටින ලැයිස්තුව ඉහළ යාම ගැන නිව් සවුත් වේල්ස් සෞඛ්‍ය අමාත්‍යවරයා කනස්සල්ලට පත්ව සිටිනවා.
නිව් සවුත් වේල්ස් සෞඛ්‍ය අමාත්‍ය රයන් පාර්ක් පසවන්නේ ප්‍රාන්තයේ රෝහල්වල සැත්කම් සඳහා බොහෝ කාලයක් බලා සිටින රෝගීන් සංඛ්‍යාව වැඩිවීතිබෙන බවයි.
සෞඛ්‍ය තොරතුරු කාර්යාංශයේ මෑත දත්තවලින් හෙළි වූයේ 2025 පළමු කාර්තුවේදී රෝගීන් 8,587 කට වැඩි පිරිසක් සැත්කම් සඳහා සායනිකව නිර්දේශිත කාලය ඉක්මවා බලා සිටි බවයි.
2024 මුල් භාගයේදී වාර්තා වූ 3,417 ට වඩා විශ්මයජනක ලෙස 151% ක වැඩිවීමක් බව සඳහන්.
මෙම රෝගීන්ට දැනටමත් ප්‍රතිකාර ලබා ගත යුතුව තිබූ බැවින් මෙම ගැටළුව “රාත්‍රියේ මා අවදියෙන් තබන” බව අමත්‍යවරයා පවසා තිබෙනවා.
මැයි මාසය වන විට කල් ඉකුත් වූ රෝගීන් 5,400 දක්වා අඩුවීමක් පෙන්නුම් කරන සංඛ්‍යාලේඛන ඔහු ඉදිරිපත් කළ අතර, එය සැලකිය යුතු ප්‍රගතියක් ලෙස පෙන්වා දෙනවා.
මෙම ප්‍රමාදයන් නිසා ඇති වන දුක් වේදනා තමාට ඉතා කණගාටුවක් එක්කරන බවයි අමාත්‍යවරයා කියා සිටියේ.
