මෙල්බන් සිනගෝගයට බෝම්බ ප්‍රහාරයක් මගින් ගිනි තැබූ පුද්ගලයාගේ තොරතුරු වික්ටෝරියා පොලිසිය විසින් මාධ්‍යට නිකුත් කර තිබෙනවා.
මෙම සිදුවීම වන අවස්ථාවේ Melbourne Hebrew Congregation තුළ 20 දෙනෙකු පමණ සිට ඇති අතර ඉන් කිසිවෙකුටත් හානි සිදුනොවූ බව වික්ටෝරියා පොලිසිය සදහන් කර සිටියා.
නිකුත් කරන ලද CCTV දර්ශන වල ඉදිරිපස ගේට්ටුව පසුකර යන අඳුරු පැහැති ඇදුමකින් සැරසුනු පුද්ගලයෙකු බෑගයක්ද අතැතිව ගමන් කරන ආකාරය සටහන් වී තිබෙනවා.
පොලීසිය විසින් ඔහු කොකේසියානු ජාතිකයෙක් ලෙස හදුනාගෙන ඇති අතර ඔහුගේ වයස අවුරුදු 30 ක් ද, දිගු කොණ්ඩයක් සහ රැවුලක් ඇති බවට සැක කරන බව සදහන් කර සිටියා.
එදිනම රාත්‍රියේ, මෙල්බර්න් හි විරෝධතාකරුවන් 20ක් පමණ “Death to the IDF” ලෙස කෑ ගසමින් ඊශ්‍රායෙල් ජාතිකයෙකුට අයත් අවන්හලක් වන මිස්නන් වෙත කඩා වැදී කලහකාරී ලෙස හැසිරී තිබෙනවා.
මෙම සිදුවීම් දෙකම එකිනෙකට සම්බන්ද දැයි සෙවීම සදහා විමර්ශනක් ආරම්භ කර ඇති අතර සාක්ෂි ලබාදීම සදහා ඉදිරිපත් වන ලෙස වික්ටෝරියා පොලිසිය ඉල්ලා සිටියා.
