සංචිත බැංකුව ජූලි මාසයේදී Cash rate අගය සියයට 3.60 දක්වා පහත හෙලනු ඇතැයි Finder පවසනවා.
Finder හි RBA මුදල් අනුපාත සමීක්ෂණයට සහභාගී වූ විශේෂඥයින් සහ ආර්ථික විද්‍යාඥයින්ගෙන් සියයට 88 ක්ම මේ බව තහවුරු කර ඇති බවයි වාර්තා වන්නේ.
ඒ අනුව ඩොලර් මිලියනයක ණයක් ඇති ඔස්ට්‍රේලියානුවෙකුට මසකට ඩොලර් 269 ක් හෝ වසරකට ඩොලර් 3226 ක් ඉතිරි කළ හැකි බව විශේෂඥයින් කියාසිටියා.
උද්ධමනය අඛන්ඩව අඩුවීමද ජූලි මාසයේදී අනුපාත කප්පාදුව නැවත ලබාදීමට හේතුවක් වනු ඇති බවද Finder පෙන්වාදෙනවා.
මේ අතර ෆයින්ඩර් සමඟ සමීක්ෂණයට යෙදුණු විශේෂඥයින්ගෙන් බහුතරයක් පැවසුවේ අගෝස්තු මාසයේදී තවත් අනුපාත කප්පාදුවක් සිදුවනු ඇති බවයි.
එමෙන්ම නොවැම්බර් මාසයේදී ද අනුපාත කප්පාදුවක් සිදුවනු ඇතැයි ඔවුන් අපේක්ෂා කරනවා.
