සිඩ්නි දුම්රියකදී ගමන් මල්ලකින් ඩොලර් 40,000ක් සොරකම් කිරීමේ සිද්ධියක් වාර්තා වනවා.
පොලිසිය පැවසුවේ, ග්ලෙන්ෆීල්ඩ් (Glenfield) හිදී දුම්රියක් තුළ සිදුවු සොරකමට අදාළව 74 හැවිරිදි වයෝවෘද්ධ පුද්ගලයෙක් අත්අඩංගුවට ගත් බවයි.
එම පුද්ගලයා දුම්රියේදී බෑගයෙන් සොරකම් කළ මුදල් ඔහුගේ ගමන් මල්ලට දමාගෙන දුම්රියෙන් බැස ගොස් තිබෙනවා.
මුළු මුදලම සොයා ගැනීමට නොහැකි වුව ද ඩොලර් 36,500 ක මුදලක් නැවත ලබා ගැනීමට පොලිසියට හැකිවුණා.
සොරකම් කිරීම සහ දේපළ විනාශ කිරීම සම්බන්ධයෙන් මෙම පුද්ගලයාට එරෙහිව චෝදනා එල්ල වී තිබෙනවා.
මේ අතර කොන්දේසි සහිතව සැකකරු ඇප මත නිදහස් කර ඇති අතර ලබන 24 වනදා කැම්බල්ටවුන් [Campbelltown] ප්‍රාදේශීය අධිකරණය හමුවේ පෙනී සිටින ලෙසයි නියෝග කර ඇත්තේ.
