විටමින් B6 නිසා ඇතිවන රුධිර විෂ වීමේ අවදානම වැළැක්වීමට ඕස්ට්‍රේලියානු ඖෂධ නියාමන අධිකාරිය [Therapeutic Goods Administration (TGA)] අසමත් වූ බව පිළිගෙන තිබෙනවා.
විශේෂඥ වෛද්‍ය ඩේවිඩ් කැනොස්කි [David Kanowski] පවසන්නේ B6 රුධිර පරීක්ෂණ සිදු කරන පුද්ගලයින්ගේ සංඛ්‍යාව ඉතා විශාල ලෙස වර්ධනය වී ඇති බවයි.
2025 ජනවාරි මාසයේ සිට B6 පරීක්ෂණ සදහා පැමිණි පුද්ගලයන්ගේ සංඛ්‍යාව මාසිකව 10,000 කින් පමණ ඉහළ ගොස් ඇති බව ඔහු පවසනවා.
පසුගිය මැයි මාසයේ දත්ත අනුව පුද්ගලයින් 450 දෙනෙකු පමණ ස්නායු රෝග වර්ධනය වීමට බොහෝ දුරට ඉඩ ඇති බව පෙන්වන ප්‍රතිඵල ලබා දුන් බවයි වෛද්‍යවරයා පෙන්වා දෙන්නේ.
මේ අතර 2027 වසරේ සිට විටමින් B6 සම්බන්ධ නව නියාමන පනත් ක්‍රම ක්‍රියාත්මක කිරීමටයි ඕස්ට්‍රේලියානු ඖෂධ නියාමන අධිකාරිය යෝජනා කර ඇත්තේ.
විටමින් B6 ආහාර, energy drinks, diet shakes සහ අතිරේක ඇතුළු ඕස්ට්‍රේලියානු නිෂ්පාදන දහස් ගණනකට එකතු කරනු ලබනවා.
ඒවායින් 80%කට වඩා B6 නිර්දේශිත දෛනික ප්‍රමාණය වන 1.7mg ට වඩා වැඩි මට්ටමින් අඩංගු වනවා.
වෛද්‍යවරුන් පෙන්වා දෙන්නේ කෘතිම විටමින් අධික ලෙස පරිභෝජනය කිරීම හේතුවෙන් ස්නායු රෝග, හිරි වැටීම, පිළිස්සීම සහ අත් පා දුර්වල වීම වැනි ගැටළු ඇති වන බවයි.
