කොවිඩ් සංචරණ සීමා කඩ කර Regional Victoria වෙත ගමන් කරන පුද්ගලයන් හඳුනාගැනීම සඳහා විශේෂ number plate තාක්ෂණයක් යොදා ගැනීමට වික්ටෝරියා පොලිසිය තීරණය කර තිබේ.
Greater Melbourne කලාපය මේ වනවිට Lockdown තත්වයේ පසුවුවද Regional Victoria කලාපය තුළ සංචරණ සීමා ලිහිල් කර තිබේ.
එහෙත් කිසිදු වලංගු හේතුවක් නොමැතිව Regional Victoria වෙත ගමන් කිරීම අත්හිටුවා ඇත.
එම තත්වය නොසළකා ඇතැමුන් Regional Victoria වෙත ඇතුලුවන බව පොලිසිය හඳුනාගෙන ඇති බව සඳහන්.
මෙම නීති කඩකරන අයට ඩොලර් 1652 ක දඩයක් පැණවෙන අතර දෛනිකව පොලිස් නිළධාරීන් 450 කට ආසන්න පිරිසක් මුර සංචාරවල (mobile patrols) නිරත වෙති.
ඔවුන්ට අමතරව automatic number plate recognition system තාක්ෂණය යොදාගෙන අදාළ වාහන පැමිණෙන්නේ Greater Melbourne සිටද නොඑසේනම් වෙනත් ප්‍රදේශයකද සිට යන්න නිවැරදිව තහවුරු කරගැනීමටයි වික්ටෝරියා ප්‍රාන්ත පොලිසිය සූදානමින් පසුවන්නේ.
Pic – (Paul Rovere)
