විනෝද චාරිකාවකදී රක්ෂිතයක් තුළ දරුවෙකු අතරමංවීමේ සිද්ධියක් සම්බන්ධයෙන් ඔස්ට්‍රේලියාවේ ළමා සුරැකුම් මධ්‍යස්ථානයකට ඩොලර් 45,000 ක දඩයක් නියම කර තිබෙනවා.
පසුගිය වසරේ පර්ත් හි Aspire Early Education මධ්‍යස්ථානයෙන් සංවිධානය කළ ස්වභාවික රක්ෂිත වනෝද්‍යානයක විනෝද චාරිකාවකදී වයස අවුරුදු 2 ක දරුවෙකු අතරමං වීමේ සිද්ධියක් වාර්තා වුණා.
දරුවන් 13 දෙනෙකුගෙන් යුත් කණ්ඩායමක් විනෝද චාරිකාවට සහභාගිවී සිට ඇති අතර චාරිකාව අවසානයේ එක් දරුවෙකු නොමැති බවටයි අනාවරණය වී ඇත්තේ.
පසුව කළ සෝදිසි මෙහෙයමුකදී දෙහැවිරිදි දරුවා පැයට කිලෝමීටර් 70 ක වේග සීමාවක් සහිත මාර්ගයක් අසලදී සොයාගනු ලැබුවා.
මෙම සිද්ධියට අදාලව බටහිර ඕස්ට්‍රේලියාවේ ප්‍රජා දෙපාර්තමේන්තුව විසින් කරන ලද පරීක්ෂණයකින් හෙළි වූයේ දරුවා අධීක්ෂණයකින් තොරව තබා ඇති බවත්, දරුවන්ගේ රැකවරණය වෙනුවෙන් පූර්වාරක්ෂාවක් අදාල ළමා සුරැකුම් මධ්‍යස්ථානය ගෙන නොමැති බවයි.
ඒ අනුව දඩ මුදලට අමතරව, දෙපාර්තමේන්තුවේ නීතිමය වියදම් ගෙවීම සඳහා ඇස්පයර්ට ඩොලර් 2000 ක් ගෙවීමට ද සිදුව තිබෙනවා.
