
ගාසා තීරයේ දින 60 ක සටන් විරාමයකට ඊශ්රායලය එකඟ වී ඇති බව අමරිකා ජනාධිපති ඩොනල්ඩ් ට්රම්ප් පවසනවා.
හමාස් සංවිධානය ද එය පිළිගත යුතු බවයි ප්රකාශයක් නිකුත් කරමින් ඔහු දැඩිව අනතුරු අඟවා ඇත්තේ.
ට්රම්ප් පවසා සිටියේ, ඔහුගේ නියෝජිතයන් අද ඊශ්රායල බලධාරීන් සමඟ දීර්ඝ සාකච්ඡාවක් පැවැත්වූ බවයි.

එහිදී, දින 60 ක සටන් විරාමයක් සඳහා අවශ්ය කොන්දේසිවලට ඊශ්රායලය එකඟ වී තිබෙනවා.
කටාර් සහ ඊජිප්තුව මෙම අවසාන යෝජනාව හමාස් සංවිධානයට ඉදිරිපත් කරනු ඇති බවයි ට්රම්ප් පවසන්නේ.

මැදපෙරදිග කලාපයේ යහපත් වෙනසක් උදෙසා හමාස් සංවිධානය මෙය පිළිගත යුතු අතර එසේ නොවුනහොත් තත්වය වඩාත් බරපතළ වනු ඇති බවටයි ජනාධිපතිවරයා අනතුරු අඟවා ඇත්තේ.
ඔහු වැඩිදුරටත් පෙන්වා දෙන්නේ ගාසා තීරයේ ගැටුම් හේතුවෙන් මේ වනවිට 56,000 කට වැඩි මරණ සංඛ්යාවක් වාර්තා වී ඇති පසුබිමක මෙම අවස්ථාව හැරවුම් මාර්ගයක් වනු ඇති බවයි.