ඊශ්‍රායල රෝගීන් මරා දමන බවට තර්ජනය කළ ඔස්ට්‍රේලියානු හෙදියන් දෙදෙනෙකුට විරුද්ධව චෝදනා එල්ල වී තිබෙනවා.
අහමඩ් රෂාඩ් නදීර් සහ සාරා අබු ලෙබ්දේ යන මෙම හෙදියන් දෙදෙනා වීඩීයෝවක් මගින් ඊශ්‍රායල රෝගීන් ඝාතනය කිරීම පිළිබඳව ප්‍රකාශයක් පළකර සිටියා.
මොවුන් සිඩ්නි හි Bankstown රෝහලේ සේවය කරන හෙදියන් වන අතර චෝදනා එල්ල වීමෙන් පසු ඔවුන්ව සේවයෙන් ඉවත් කරනු ලැබුවා.
තවද වසර දෙකක කාලයක් රෝගීන් සමග වැඩ කිරීමද NSW සෞඛ්‍ය තත්ත්ව සහ ආරක්ෂණ කොමිසම විසින් තහන්ම් කර සිටියා.
සාරා අබු ලෙබ්දේට විරුද්ධව එල්ල වූ චෝදනා ලෙස පුද්ගල කණ්ඩායමකට ප්‍රචණ්ඩත්වයෙන් තර්ජනය කිරීම, ඝාතනය කරන බවට තර්ජනය කිරීම සහ රෝගීන්ට අපහසාත්මක ලෙස කතා කිරිම වනවා.
අහමඩ් රෂාඩ් හට එල්ල වූ චෝදනා වන්නේ දුරකථන හරහා අපහාසාත්මක ලෙස තර්ජන කිරීම, තහනම් මත්ද්‍රව්‍යයක් ලග තබා ගැනීම සහ ඝාතනය කිරීමට තර්ජනය කිරීමයි.
