මෙල්බර්න්හි childcare සේවකයෙකුට ළමා ලිංගික අපරාධ සම්බන්ධව චෝදනා එල්ල වීමෙන් පසු ළමුන් 1200 කට වැඩි පිරිසකට බෝවන ලිංගික රෝග සඳහා පරීක්ෂාවන් කරන ලෙස නිවේදනයක් නිකුත් කර තිබෙනවා.
26 හැවිරිදි ජෝෂුවා ඩේල් යන මේ පුද්ගලයා පසුගිය වසර 7 තුළ (2018 –2025) childcare මධ්‍යස්තාන 20ක පමණ සේවය කර ඇති අතර දරුවන් විශාල පිරිසකට ලිංගික අතවර කර ඇති බව පොලීසිය අනාවරණය කරගනු ලැබුවා.
සෞඛ්‍ය දෙපාර්තමේන්තු ප්‍රධාන නිලධාරි ක්‍රිස්ටියන් මැක්ග්‍රාත් කියා සිටියේ ඔහු සේවය කල සියලුම childcare මධ්‍යස්තාන , ලිංගික හිංසා සිදුකල සහ අපයෝජනයට ලක්ව ඇතැයි සැකකෙරෙන සියලු දරුවන් මේ වන විට හදුනාගෙන ඇති බවයි.
ආසාදනය විය හැකි ලිංගික රෝග සඳහා පරීක්ෂණ කරවා ගැනීමට දරුවන්ගේ දෙමපියන්ට උපදෙස් දී ඇති බව වික්ටෝරියානු පොලිසිය සදහන් කර සිටියා.
තවද රාජ්‍ය සෞඛ්‍ය දෙපාර්තමේන්තුව කියා සිටියේ මෙය සංකීර්ණ හා දුක්ඛිත තත්වයක් වන අතර ඔවුන්ගේ ඉහළම ප්‍රමුඛතාවය වන්නේ බලපෑමට ලක්වූ දරුවන්ගේ සහ පවුල්වල සෞඛ්‍යය යහපැවැත්ම ආරක්ෂා කිරීම බවයි.
පොලීසිය, සෞඛ්‍ය දෙපාර්තමේන්තුව, සහ ඒ සම්බන්ධ ආයතන රැසක් එක් වී සිද්ධියේ බලපෑම් එල්ල වූ පවුල්වලට සහය වීමට කටයුතු කරමින් සිටීන බව වික්ටෝරියානු පොලීසිය අවධාරණය කර සිටියා.
