ආන්දෝලනයකට තුඩුදුන් යාපනය, චෙම්මනි, සිත්තුපාත්තු සුසාන භූමිය කැණීම් තවදුරටත් සිදුවනවා.
අවසන් වරට සිදු කල කැණීම් වලදීද මිනිස් සිරුරු 6කට අදාළ අස්ථි කොටස් මතු කර ගත් බව කැණීම් නිලධාරීන් සඳහන් කර තිබුනා.
ඒ අනුව, මේ දක්වා මිනිස් සිරුරු 33කට අදාළ අස්ථි කොටස් මතු කරගෙන තිබෙන බවයි වාර්තා වන්නේ.
තුන්වන අදියරේ කැණීම් වලදී හමුවූ අස්ථි කොටස් සම්බන්ධ සංවේදී පුවතක් කෙරෙහි බොහෝ දෙනෙකුගේ අවදානය යොමු වී තිබෙනවා.
කාන්තාවකගේ යැයි සැක කරන අස්ථි කොටස් කිහිපයක් මෙහිදී මතු කර ගෙන තිබුනා.
අදාළ කාන්තාවගේ පපු ප්‍රදේශය ආසන්නයේ කුඩා දරුවෙකුගේ යැයි සැක කෙරන අස්ථි කොටස් කිහිපයක් හමු වූ බවයි අනාවරන වුනේ.
අදාළ දරුවා මවගේ තුරුළේ සිටියදී ඝාතනය වී ඇති බවට සැකයක් මතු වන බව උතුරු-නැගෙනහිර අතුරුදන් වූවන්ගේ සංගමය සඳහන් කර තිබෙනවා.
මෙම ස්ථානයෙන් පාසල් බෑගයක් බවට සැක කෙරෙන බෑගයක් ද හමුවී තිබුනා.
ඒ අසල කුඩා දරුවෙකුගේ මළ සිරුරකට අයත් බවට සැක කෙරෙන අස්ථි කොටස් කිහිපයක් තිබී සොයාගෙන තිබුනා.
මෙම ස්තානයේ කැණීම් තවදුරටත් සිදු වනවා.
