සිඩ්නි නගරයේ ප්‍රාථමික පාසල් ගුරුවරයෙකු කුඩා දරුවන් අට දෙනෙකු දූෂණය කළ බවට චෝදනා එල්ල වී තිබෙනවා.
වයස අවුරුදු 71 ක් වූ මයිකල් ඇන්තනි නම් මෙම ගුරුවරයා ළමා අපචාර වලට විශාල ලෙස ඇබ්බැහි වී ඇති පුදගලයෙක් බවයි පොලිසිය අනාවරණය කරගෙන තිබෙන්නේ.
වයස අවුරුදු 4–8 අතර දරුවන් 8 දෙනෙකු මෙලෙස දූෂණයට ලක්වී ඇති අතර මෙම ගුරුවරයා පන්ති කාමරය තුළදීම ළමයින් අපචාර සදහා ගොදුරු කරගෙන ඇති බවයි වාර්තා වන්නේ.
කුඩා දරුවන් අධිකරණ ඉදිරියේ සාක්ෂි දෙමින් කියා සිටියේ ගුරුවරයා ඔවුන්ව මේසය ළගට කැදවා ඔවුන්ගේ ලිංගික අවයව ස්පර්ශ කර ඇති බවයි.
තවත් වයස අවුරුදු හතක් වූ දරුවෙකු කියා සිටියේ ගුරුවරයා තමාට අතවර කිරීමෙන් වලක්වා ගැනීම සඳහා ඇය කලිසම් දෙකක් ඇඳ පාසලට පැමිණි බවයි.
මෙම ගුරුවරයා කිසිදු පසුතැවිල්ලක් හෝ සමාව අයදීමක් සිදු නොකළ බව විනිසුරු පෝල් මැක්ගුයර් අධිකරණයට කරුණු දක්වා සිටියා.
චෝදනා සියල්ල සළකා බලා ගුරුවරයාට වසර 19ක සිර දඬුවමක් අධිකරණය නියම කර සිටියා.
