ගණුදෙනුකරුවන් නොමග යැවීම සම්බන්ධයෙන් ඔස්ට්‍රේලියාවේ දෙවන විශාලතම පෞද්ගලික සෞඛ්‍ය රක්ෂණ සමාගමකට ඩොලර් මිලියන 35 ක දඩයක් නියම කර තිබෙනවා.
වසර 5 ක් තිස්සේ ගණුදෙනුකරුවන් සෞඛ්‍ය ආවරණ ලබා නොමැති බවට ගණුදෙනුකරුවන්ට රැවටීමට ලක්කිරීම සම්බන්ධයෙන් Bupa රක්ෂණ සමාගමට පාරිභෝගික කොමිසම විසින් නඩු පවරනු ලැබුවා.
එහිදී අධිකරණය විසින් ඔවුන්ට මිලියන ගණනක දඩයක් නියම කර ඇති අතර මේ සම්බන්ධයෙන් බූපා සමාගම සිය ගණුදෙනුකරුවන්ගෙන් සමාව ඇයද තිබෙනවා.
එහිදී සෞඛ්‍ය ආවරණ චෝදනාව සම්බන්ධයෙන් බූපා වරද පිළිගෙන ඇති බව සඳහන්.
ඉන් බොහෝ ගණුදෙනුකරුවන් රෝහල් ප්‍රතිකාර සඳහා සම්පූර්ණ හිමිකම් ඇති අය වන අතර සෞඛ්‍ය ආවරණයෙන් කොටසක් හිමිකම් පාන ගණුදෙනුකරුවන්ටද ආවරණය ලබාදීම සම්පූර්ණයෙන් ප්‍රතික්ෂේප කර තිබෙනවා.
මෙහිදී බලපෑමට ලක්වූ හිමිකම් 4100 කට පමණ ඩොලර් මිලියන 14.3 ක වන්දි ගෙවීමක් ද බූපා විසින් සිදුකර ඇති බවයි වාර්තා වන්නේ.
