කොළඹ අමෙරිකානු තානාපති කාර්යාලය ශ්‍රී ලාංකිකයන්ට සහ වෙනත් විදේශිකයන්ට අනතුරු ඇඟවීමක් නිකුත් කර තිබෙනවා.
එහි සදහන් වන්නේ දරුවකු ප්‍රසූත කිරීමේ අරමුණින් සංචාරක වීසා මත ඇමරිකාවට පිවිසීම නිසා අනාගතයේදී වීසා ප්‍රතික්ෂේප විය හැකි බවයි.
තානාපති කාර්යාලය තම නිල X ගිණුමේහි සදහන් කරන්නේ එවැනි සංචාරකයන් බොහෝවිට ඇමරිකානු රජයේ වෛද්‍ය සහනාධාර මත විශ්වාසය තබා වීසා ඉල්ලුම් කිරීමට යොමුවන බවයි.
එමඟින් ඇමරිකානු බදු ගෙවන්නන් මත අමතර මූල්‍යමය බරක් එකතු වන බවද ඔවුන් පෙන්වා දෙනවා.
අයදුම්කරුගේ ප්‍රධාන අරමුණ ඇමරිකානු පුරවැසිභාවය ලබා ගැනීම සඳහා දරු ප්‍රසූතියක් වුවහොත්, ඔවුන්ගේ සංචාරක වීසා ප්‍රතික්ෂේප කළ යුතු බවට අමෙරිකානු කොන්සියුලර් නිලධාරීන්ට උපදෙස් දී ඇතැයි තානාපති කාර්යාලය වැඩිදුරටත් කියා සිටියා.
