විදේශීය ආහාර කිලෝග්‍රෑම් 62,000ක් ඕස්ට්‍රේලියාවට නීති විරෝධීව රැගෙනආ කාන්තාවක් සිරගත කර තිබෙනවා.
ව්‍යාජ ලෙස ලේබල් කරන ලද polystyrene පෙට්ටි තුළ දමා තිබූ මෙම ආහාර තොගය ඔස්ට්‍රේලියා දේශසීමා නිළධාරීන් විසින් අත්අඩංගුවට ගැණුනා.
එහි තිබී ශිත කළ ගෙම්බන් මෙන්ම ඉස්සන්, කෘමීන්ගෙන් පිරුණු නැවුම් නිෂ්පාදන සහ ඌරු මස් හමුවී තිබෙනවා.
සියල්ල තායිලන්තයෙන් ගෙන්වා ඇති අතර සිඩ්නි Black Market එකට යැවීමට නියමිතව තිබූ බවයි දේශ සීමා බලධාරීන් පවසන්නේ.
කෙසේවෙතත් පොලීසියට ලද රහසිගත ඔත්තුවකට අනුව අත්අඩංගුවට ගැනීම සිදුව තිබෙනවා.
කාන්තාවට වසර 2 ක සිර දඩුවමක් සහ පැය 150 ක ප්‍රජා සේවයක් කිරීමටයි විනිසුරුවරයා නියෝගකර ඇත්තේ.
ගෙම්බන්ට වැළඳෙන කයිට්‍රිඩියොමයිකෝසිස් වැනි රෝග හරහා මේ වනවිටත් ලොවපුරා උභයජීවී විශේෂ 500 කට අධික සංඛාවක් වඳවීමට හේතුවී තිබෙනවා.
ඉස්සන්ට සුදු ලප රෝගය ලෙස හැඳින්වෙන වෛරසයක් ආසාදනය විය හැකි අතර අප්‍රිකානු සූකර උණ වැනි රෝග රාශියක් ඌරන් මගින් බෝවිය හැකියි.
