සිඩ්නි විශ්ව විද්‍යාලයකට සයිබර් ප්‍රහාර රැල්ලක් එල්ල කළ බවට හිටපු ශිෂ්‍යාවකට චෝදනා එල්ල වී තිබෙනවා.
අනවසර ප්‍රවේශය, දත්ත ඉවත් කිරීම, පද්ධති සම්මුතිය සහ විශ්ව විද්‍යාල යටිතල පහසුකම් අනිසි ලෙස භාවිතා කිරීම සම්බන්ධ සයිබර් හැක් මාලාවකට 2021 වසරේ සිට බටහිර සිඩ්නි විශ්ව විද්‍යාලය මුහුණ දී සිටියා.
ශිෂ්‍ය දත්ත dark web හරහා විකුණා දැමීමේ තර්ජන ද පැවති අතර ඉන් කාර්ය මණ්ඩල සාමාජිකයන් සහ ශිෂ්‍යයින් විශාල පිරිසකට බලපෑම් එල්ල වී තිබුණා.
පොලිසිය Kingswood ප්‍රදේශයේ නිවසක සෝදිසි වරෙන්තුවක් ක්‍රියාත්මක කළ අතර එහිදී කාන්තාවක් අත්අඩංගුවට ගෙන තිබෙනවා.
ඇය එම විශ්වවිද්‍යාලයේ හිටපු ශිෂ්‍යාවක් බවටයි හඳුනාගෙන ඇත්තේ.
පරිගණක උපකරණ සහ ජංගම උපාංග කිහිපයක් ද සෝදිසියේදී සොයාගෙන තිබෙනවා.
අත්අඩංගුවට ගත් කාන්තාව අධිකරණයට ඉදිරිපත් කිරීමට පියවර ගන්නා බවයි පොලිසිය පවසන්නේ.
