වික්ටෝරියාවේ ජනප්‍රිය මාර්ගයක මෝටර් රථයේ open sunroof එකේ ටයිටැනික් චිත්‍රපටයේ රඟදැක්වීමක් කළ කාන්තාවකට පොලීසිය විසින් ඩොලර් 600 ක දඩයක් නියම කර තිබෙනවා.
Alpine කලාපයේ ජනප්‍රිය සංචාරක මාර්ගයක් වන Merrijig හි Mount Buller මාර්ගයේදීයි මෙම සිදුවීම සිදුව ඇත්තේ.
අධිවේගී මාර්ග මුර සංචාරයක යෙදුණු පොලිස් නිළධාරීන් ප්‍රදේශයේ සාමාන්‍ය වේග පරික්ෂාවක් සිදුකරමින් සිටි අතර පැයට කිලෝමීටර් 100 ක වේගයෙන් ගමන් කරන ජිප් රථයක් සහ එහි open sunroof හි සිටගෙන යන කාන්තාවක් දැක තිබෙනවා.
වික්ටෝරියා පොලීසිය පවසන්නේ එම කාන්තාව ටයිටැනික් චිත්‍රපටයේ ප්‍රසිද්ධ I’m flying” කොටස අනුකරණය කරමින් දෑත් විහිදා සිටි බවයි.
එවැනි නොසැලකිලිමත් ක්‍රියා මගින් අනතුරු ඇතිවීමේ අවදානම් පවතින බවයි පොලීසිය පෙන්වාදෙන්නේ.
වික්ටෝරියා පොලීසිය විසින් වාහනයේ රියදුරුට ඩොලර් 600 ක දඩ මුදලක් සහ කාන්තාවගේ නොසැලකිලිමත් හැසිරීමට ඩොලර් 600 කට ආසන්න දඩයක් නියම කර තිබෙනවා.
