ඊශ්‍රායලයේ Tel Aviv නුවරින් ඉවත් කරන ලද ඔස්ට්‍රේලියානුවන් සහ ඔවුන්ගේ පවුල් සාමාජිකයින් සියයකට වැඩි පිරිසක් ඩුබායි වෙත ගොඩබස්සවා තිබෙනවා.
ඔස්ට්‍රේලියා ආරක්ෂක සහාය ඇතිව ගුවන් යානයේ පුද්ගලයින් 119 දෙනෙකු රැගෙන ආ බවයි රජය කියාසිටියේ.
කෙසේවෙතත් නැවත මෙරටට ඒමට නම් ඔවුන් විසින්ම ගුවන් ගමන් අරමුදල් සපයා ගත යුතු බව විදේශ කටයුතු සහ වෙළඳ දෙපාර්තමේන්තුව ප්‍රකාශ කළා.
භාණ්ඩාගාරික ජිම් චාමර්ස් පැවසුවේ අතරමං වූ ඕස්ට්‍රේලියානුවන් නැවත නිවෙස්වලට ගෙන්වා ගැනීම සඳහා විදේශ කටයුතු සහ වෙළඳ දෙපාර්තමේන්තුව මෙන්ම ආරක්ෂක නිළධාරීන් දැක්වූ සහයෝගයට උපහාර දක්වන බවයි.
කෙසේවෙතත් කටාර්හි ඇමරිකා ගුවන් කඳවුරකට එල්ල වූ බෝම්බ ප්‍රහාර මගින් දෝහා සිට ගුවන් ගමන් අවලංගු කිරීමෙන් ඇතැම් ඔස්ට්‍රේලියානුවන් තවමත් මැදපෙරදිග සිරවී සිටින බවද වාර්තා වනවා.
ඔවුන් ද ඔස්ට්‍රේලියාව වෙත රැගෙන ඒමට උපකාර කිරීම සඳහා ඔස්ට්‍රේලියානු රජය අඛන්ඩව කටයුතු කරන බවයි ජිම් චාමර්ස් කියාසිටියේ.
මේ අතර මේ වනවිට ඊශ්‍රායලයේ ගුවන් අවකාශය විවෘතව පවතින අතර ගුවන් ගමන් නැවත ආරම්භ කර ඇති නමුත් සීමාවන් තවමත් පවතින බවයි විදෙස් මාධ්‍ය වාර්තා කරන්නේ.
