ඉරානයේ න්‍යෂ්ටික මධ්‍යස්ථානවලට එල්ල වූ එක්සත් ජනපද ප්‍රහාර ඉරාන න්‍යෂ්ටික වැඩසටහන විනාශ නොකළ අතර එය මාස ගණනකින් පමණක් පසුබෑමට ලක් කර ඇති බව බුද්ධි අංශ පවසනවා.
පෙන්ටගනයේ ආරක්ෂක බුද්ධි ඒජන්සියේ මූලික හානි තක්සේරුවෙනුයි මේ බව තහවුරු වී ඇත්තේ.
ධවල මන්දිරය පවසන්නේ මෙම තක්සේරුව “සම්පූර්ණයෙන්ම වැරදි” බවත් එය ජනාධිපති ට්‍රම්ප් පහත් කොට සැලකීමට ගත් “පැහැදිලි උත්සාහයක්” බවයි.
ඉරානයට එරෙහි එක්සත් ජනපද ප්‍රහාරය පිළිබඳ වාර්තා වූ බුද්ධි තක්සේරුව පිළිබඳ ඩොනල්ඩ් ට්‍රම්ප් ප්‍රතිචාර දක්වා තිබෙනවා.
Truth Social හි පෙනී සිටිමින් ට්‍රම්ප් එක්සත් ජනපද මාධ්‍ය සහ ඔවුන්ගේ වාර්තාකරණයට බැණ වැදී ඇති බවයි වාර්තා වන්නේ.
ඔහු පවසන්නේ නිව්යෝර්ක් ටයිම්ස් සහ CNN එක්ව ඉතිහාසයේ සාර්ථකම මිලිටරි ප්‍රහාරය විනාශ කිරීමේ උත්සහයක නිරතවෙමින් සිටින බවයි.
