ජූලි 1 වන දින සිට සිස්ටික් ෆයිබ්‍රෝසිස් (cystic fibrosis) රෝගීන්ගේ ඖෂධයක මිල අඩු කිරීමට රජය තීරණය කර තිබෙනවා.
සිස්ටික් ෆයිබ්‍රෝසිස් යනු ජානමය රෝගයක් වන අතර එමගින් පෙනහළු, ආහාර ජීර්ණ පද්ධතිය සහ ශරීරයේ අනෙකුත් අවයව වලට දැඩි හානි පමුණුවනවා.
සිස්ටික් ෆයිබ්‍රෝසිස් රෝගීන් ගනු ලබන ට්‍රිකාෆ්ටා ඖෂධයේ මිලයි මෙලෙස පහළ දමා ඇත්තේ.
රෝගීන්ට වසරකට ප්‍රතිකාර සඳහා ඩොලර් 250,000 කට වඩා වැය වන අතර මෙම මිල අඩු වීම විශාල සහනයක් බවයි වෛද්‍යවරුන් පවසන්නේ.
ඖෂධ ප්‍රතිලාභ යෝජනා ක්‍රමය යටතේ මිල අඩු කිරීම සිදුකර ඇති අතර දරුවන් ඇතුළු දුර්ලභ සිස්ටික් ෆයිබ්‍රෝසිස් රෝගයෙන් පෙළෙන ඔස්ට්‍රේලියානුවන් සිය ගණනකට සහ ඔවුන්ගේ පවුල්වලට මෙය සුබ ආරංචියක් බවයි සෞඛ්‍ය අමාත්‍ය මාර්ක් බට්ලර් පැවසුවේ.
