selfies සහ memes ගැනීම සඳහා Uffizi කෞතුකාගාරය වෙත පැමිණෙන සංචාරකයන්ට එරෙහිව දැඩි සීමා පැනවීමට පියවර ගෙන තිබෙනවා.
ෆ්ලෝරන්ස් හි [Florence] Uffizi ගැලරියේදී ඡායාරූපයක් ගැනීමට ගිය සංචාරකයෙකු එහි තිබු 17 වන සියවසට අයත් සිතුවමකට හානි කර ඇති බවයි කෞතුකාගාරය නිවේදනයක් නිකුත් කරමින් කියා සිටියේ.
1695-1700 කාලයේදී Anton Domenico Gabbiani විසින් අඳින Tuscan රාජකීය පුත්‍රයා වන Ferdinando de’ Medici සිතුවමටයි හානි සිදුවී ඇත්තේ.
සිතුවමේ දැක්වෙන වංශාධිපතියාගේ වළලුකර ප්‍රදේශය වටා කුඩා ඉරීතැලීමක් පෙන්නුම් කර ඇති බව නිවේදනයේ දැක්වෙනවා.
ප්‍රසිද්ධියේ හඳුනාගෙන නොමැති සංචාරකයා බලධාරීන් වෙත ඉදිරිපත් කර ඇති බවයි කෞතුකාගාර නිලධාරීන් පවසන්නේ.
මේ අතර අලුත්වැඩියා කටයුතු සඳහා සිතුවම ප්‍රදර්ශනයෙන් ඉවත් කර ඇති අතර කෞතුකාගාරය පවසන්නේ සිතුවමට සුළු හානියක් සිදුවී ඇති බවයි.
එය කඩිනමින් ප්‍රතිසංස්කරණය කර නැවත ප්‍රදර්ශනයට එක් කිරීමට නියමිතයි.
