ඉරානය සහ ඊශ්‍රායලය අතර ගැටුම මධ්‍යයේ මිලියන 10 කට ආසන්න ජනගහනයක් සිටින ඉරාන අගනුවර පදිංචිකරුවන්ට ඉන් ඉවත් වන ලෙස දන්වා තිබෙනවා.
මෙම නිවේදනයෙන් පසු පුද්ගලයින් විශාල සංඛ්‍යාවක් ටෙහෙරාන් නගරයෙන් පිටවී ඇති අතර ඇතැම් පිරිස් තවමත් රැදී සිටින බවයි වාර්තා වන්නේ.
පසුගිය ජුනි 13 වන දින ඊශ්‍රායලය ඉරානයට එරෙහි ගුවන් ප්‍රහාර ආරම්භ කල අතර පසුව සිවිල් වැසියන් සහ නිවාස ඉලක්ක කළ ගනිමින් ප්‍රහාර එල්ල කර සිටියා.
Human Rights News ආයතනය වාර්තා කර සිටියේ ඊශ්‍රායල ප්‍රහාර හමුවේ ඉරාන වැසියන් 639කට වැඩි පිරිසක් ජීවිතක්ෂයට පත් වූ බවයි.
මේ වන විට ටෙහෙරාන් නගරයේ වෙළඳසල් පවා වසා දමා ඇති අතර රෝහල් වල වෛද්‍යවරුන් හා සේවකයන්ද නගරයෙන් පිටවීමට අවසර ඉල්ලා තිබෙනවා.
මේ හේතුවෙන් ඉරාන අගනුවර පුරා විනාශකාරී තත්ත්වයක් උදා වී ඇති අතර සිවිල් වැසියන් ආරක්ෂා කරන ලෙස මානව හිමිකම් කණ්ඩායම් ඊශ්‍රායල සහ ඉරාන බලධාරීන්ගෙන් ඉල්ලා සිටියා.
