ජපානයේ දී හදිසියේ රෝගාතුර වූ ඔස්ට්‍රේලියානු ජාතිකයෙක් නැවත ගෙන්වා ගැනීම සඳහා පවුලේ සාමාජිකයින් crowdfunding මෙහෙයුමක් ආරම්භ කර තිබෙනවා.
New South Wales හි පදිංචිව සිටි ඔහු ජපානයේ නිවාඩුවක් ගත කිරීමට ගොස් සිටියදී හදිසියේ stroke එකකට ගොදුරු වුණා.
ඔහු මේ වනවිට අර්ධ වශයෙන් අංශභාගයට ලක්වී ඇති බවයි පවුලේ සාමාජිකයින් පවසන්නේ.
ජපානයේ පෞද්ගලික රෝහලක ප්‍රතිකාර ලබන ඔහුගේ වෛද්‍ය ප්‍රතිකාර සඳහා දිනකට අමරිකානු ඩොලර් 5000 ක මුදලක් වැය වන බවයි වාර්තා වන්නේ.
travel insurance එකක් නොතිබූ ඔහුගේ වත්මන් රෝහල් ගාස්තුව අමරිකානු ඩොලර් 130,000 ක් පමණ වනවා.
වෛද්‍ය පරීක්ෂණ සහිතව ඔහු නිවසට රැගෙන ඒම සඳහා ඇමරිකානු ඩොලර් 30,000 ක් පමණ වැය වන බවයි පවුලේ සාමාජිකයින් පවසන්නේ.
ඒ සඳහා වෛද්‍ය අධීක්ෂණය සහිත ගුවන් ගමනක් සංවිධානය කිරීමට ඔවුන් උත්සාහ කරන අතර ඊට ව්‍යාපාරික ගුවන් යානයක ආසන 9ක් හිස් කිරීමට සිදුවනවා.
විකල්පයක් ලෙස පෞද්ගලික ජෙට් යානයක් භාවිත කිරීමට හැකි වුව ද ඒ සඳහා විශාල මුදලක් වැය වන බවයි ඔවුන් සඳහන් කර ඇත්තේ.
