AI තාක්ෂණය ඔස්ට්‍රේලියාවේ ආරම්භක මට්ටමේ රැකියාවලට තර්ජනයක් වී ඇති බව හෙළි වී තිබෙනවා.
ඒ හේතුවෙන් විශ්ව විද්‍යාල උපාධිධාරීන් රැකියා සෙවීමේ දැඩි අභියෝගයකට මුහුණ දී ඇති බවයි වාර්තා වන්නේ.
AI තාක්ෂණය මිනිසුන් සේවයේ යෙදවීමට වඩා ලාභදායී විකල්පයක් බවට පත්වීමත් සමඟ ඕස්ට්‍රේලියානු සේවකයින් විශාල කැලඹීමකට මුහුණ දී සිටිනවා.
AI හි සම්පූර්ණ බලපෑම රැකියා දැන්වීම්වල හෝ නිල සංඛ්‍යාලේඛනවල තවමත් පළවී නොමැති වුවද, එය දැනටමත් ජාතියේ ශ්‍රම වෙළඳපොළ නැවත සකස් කරමින් සිටින බවයි සේවා යෝජකයින් සහ සේවකයින් අනතුරු අඟවා ඇත්තේ.
දත්ත විද්‍යා උපාධිධාරියෙකු වන ටියන් හං නුයෙන් [Tien Hung Nguyen] පවසන්නේ තම පළමු පූර්ණ කාලීන රැකියාව ලබා ගැනීමට අයදුම්පත් 30 ක් සහ සීමාවාසික පුහුණුවක් අවශ්‍ය වූ බවයි.
ඕස්ට්‍රේලියාවේ විරැකියා අනුපාතය සියයට 4.1 ක් ලෙස ස්ථාවරව පවතිනවා.
එහෙත් තරුණ රැකියා විරහිත අනුපාතය සියයට 9.2 දක්වා ඉහළ ගොස් ඇති බවයි සංඛ්‍යලේඛනවල දැක්වෙන්නේ.
