විදේශීය සිසුන්ගේ වීසා අයදුම්පත් සැකසීම නැවත ආරම්භ කරන බව ඇමරිකාව නිවේදනය කරනවා.
නමුත් සියලුම අයදුම්කරුවන් ඔවුන්ගේ සමාජ මාධ්‍ය ගිණුම් පරික්ෂා කිරීමට ලබාදිය යුතු බවයි ඇමරිකා රාජ්‍ය දෙපාර්තමේන්තු නිලධාරීන් කියා සිටියේ.
අයදුම්කරුවන් තම ගිණුම් ‘public’ ලෙස පවත්වාගත යුතු අතර එසේ නොකරන පුද්ගලයින් ඔවුන්ගේ තොරතුරු සැඟවීමට උත්සාහ කරන බවට සැක කල හැකි බවයි ඔවුන් වැඩි දුරටත් කියා සිටියේ.
නව උපදෙස් අනුව වීසා නිකුත් කරන නිලධාරීන් විසින් සියලුම ශිෂ්‍ය අයදුම්කරුවන් පිළිබඳ විශාල පරීක්ෂාවක්ද සිදුකිරීමට නියමිතයි.
තවද ඇමරිකානු ජනතාව,ඇමරිකානු සංස්කෘතිය, ඇමරිකානු ආණ්ඩුව සහ ආයතනයන්ට විරුද්ධ ආකල්ප තිබේද යන්න සෙවීමටද නිලධාරීන්ට උපදෙස් ලබා දී තිබෙනවා.
ට්‍රම්ප් පරිපාලනයෙන් විදේශීය සිසුන් සඳහා නව වීසා සම්මුඛ පරීක්ෂණ පැවැත්වීම තාවකාලිකව නවතා දැමූ අතර , ලොව පුරා සිසුන් මෙය නැවත විවෘත කරන තෙක් නොඉවසිල්ලෙන් බලාසිටි බවයි ඇමරිකා මාධ්‍ය වාර්තා කර සිටියේ.
