ගුවන් යානයක පාලක ආසනයේදී නියමුවෙකු සිහිසුන් වී ඇති බව Qantas සමාගම තහවුරු කර තිබෙනවා.
කැන්බරා සිට පැමිණි ගුවන් යානය Sydney ගුවන් තොටුපළට ළඟා වූ විට, වෙන් කරන ලද මගී පර්‍යන්තයේ යානය නැවැත්වීමට රැගෙන යන අතරතුර නියමුවා සිහිසුන්වී තිබෙනවා.
ඒ් වනවිට යානයේ මගීන් 113 දෙනෙකු සහ 8 දෙනෙකුගෙන් යුත් කාර්ය මණ්ඩලයක් රැදී සිටි බවයි වාර්තා වන්නේ.
නියමුවාගේ අසනීප තත්ත්වය වාර්තා කළ පසු යානයේ සිටි අත්දැකීම් සහිත අනෙකුත් නියමුවන් වහා පාලනය භාර ගෙන තිබෙනවා.
Qantas පුහුණු ක්‍රමවේදයන්ට අනුකූලව අධීක්ෂණ පරීක්ෂක කපිතාන්වරයා (supervising check captain) යානය ආරක්ෂිත ගේට්ටුව දෙසට යොමු කිරීමටයි කටයුතු කර ඇත්තේ.
පසුව අසනීප වු නියමුවාට වෛද්‍ය ප්‍රතිකාර ලබාදීමට පියවර ගැණුනා.
Qantas ගුවන් සමාගම පවසන්නේ මෙම අවස්ථාවේ තම නියමුවන් සම්මත ක්‍රියාමාර්ග අනුගමනය කළ බවයි.
මගීන් සහ කාර්ය මණ්ඩලයේ ආරක්ෂාව සහ සුබසාධනය සදහා දැඩි අවධානයක් යොමු කරන බව ද සමාගම වැඩිදුරටත් සඳහන් කරනවා.
