මානසික ආබාධයක් හේතුවෙන් මාරක අනතුරක් සිදුකළ පුද්ගලයෙකු මිනීමැරුම් චෝදනාවට වරදකරු නොවන බව වික්ටෝරියා ශ්‍රේෂ්ඨාධිකරණය පවසනවා.
2023 සැප්තැම්බර් මාසයේදී මෙල්බන් නගර මධ්‍යයේ සිදුවු අනතුරකින් පුද්ගලයෙකු මරණයට පත්වී තවත් 3 දෙනෙකු තුවාල ලැබුවා.
අනතුර සිදුකළ 29 හැවිරිදි රියදුරුට මිනීමැරීමේ චෝදනාවක් සහ මිනීමැරීමට තැත් කිරීමේ චෝදනා තුනක් එල්ල වී තිබෙනවා.
හිතාමතා බරපතල තුවාල සිදු කිරීමේ චෝදනා තුනක් සහ ජීවිතයට අනතුරක් වන හැසිරීම් දෙකක් සම්බන්ධයෙන් ද ඔහු චෝදනා ලබා සිටිනවා.
අද වික්ටෝරියා ශ්‍රේෂ්ඨාධිකරණයේ පැවති නඩු විභාගයේදී ඔහුගේ නීතීඥ කණ්ඩායම පවසා ඇත්තේ මානසික ආබාධයක් හේතුවෙන් සිදුකළ මෙම චෝදනා සම්බන්ධයෙන් ඔහු වැරදිකරු නොවන බවයි.
ලබන මස 8 වැනිදා නැවත නඩුව විභාග කිරීමට නියමිතයි.
