ඇන්ජලෝ මැතිව්ස්ගේ අවසාන ටෙස්ට් තරඟය නොමිලේ නැරඹීමට ජනතාවට අවස්ථාව
ශ්‍රී ලංකාව සහ බංග්ලාදේශය අතර හෙට දිනයේ පැවැත්වෙන පළමු ටෙස්ට් තරඟය ජනතාවට නොමිලේ නැරඹිය අවස්ථව ලබා දී තිබෙනවා.
තරගය ගාල්ල ජාත්‍යන්තර ක්‍රීඩාංගණයේදී පැවැත්වෙන අතර හිටපු නායක ශ්‍රේෂ්ඨතම තුන් ඉරියව් ක්‍රීඩක ඇන්ජලෝ මැතිව්ස්ගේ අවසන් ටෙස්ට් තරඟයද මෙය වනවා.
ඒ අනුව ගාල්ල ක්‍රීඩාංගණයේ Gate No 4 ඔස්සේ ප්‍රේක්ෂකයින්ට නොමිලේ ප්‍රවේශ වීමට හැකියාව ලැබෙනවා.
38 හැවිරිදි ඇන්ජලෝ මැතිව්ස් 2009 වසරේ පාකිස්තානයට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී සිය මංගල තරගයට ක්‍රීඩා කර ඇති අතර ඔහුගේ අවසන් තරගයද එම ක්‍රීඩාංගනයේ පවැත්වීම විශේෂත්වයක් වනවා.
මැතිව්ස් ටෙස්ට් තරග 118 කට ක්‍රීඩා කර තිබෙන අතර ඔහුගේ වසර 16ක ක්‍රීඩා දිවිය තුළ ලකුණු 8,167ක් හා ටෙස්ට් කඩුලු 33ක් දවාගෙන තිබෙනවා.
මෙම ටෙස්ට් තරගය හෙට ශ්‍රී ලංකා වේලාවෙන් පෙ.ව. 10 ට ආරම්භ වීමට නියමිතයි.
