අමරිකා ජනාධිපති ඩොනල්ඩ් ට්‍රම්ප් සහ අගමැති ඇන්තනි ඇල්බනීස් අතර හමුව අවලංගු කර තිබෙනවා.
ඒ කැනඩාවේ පැවැත්වෙන G7 සමුළුවෙන් ඩොනල්ඩ් ට්‍රම්ප් කලින් පිටව යන බව ධවල මන්දිරය ප්‍රකාශ කිරීමෙන් පසුවයි.
ධවල මන්දිර මාධ්‍ය ලේකම් කැරොලයින් ලෙවිට් X පණිවිඩයක් මගින් මේ බව සදහන් කර තිබුනා.
ජනාධිපති ට්‍රම්ප් G7 සමුලුවේදී එක්සත් රාජධානියේ අගමැති Keir Starmer සමඟ ප්‍රධාන වෙළඳ ගිවිසුමක් ද අත්සන් කර තිබෙනවා.
එහෙත් මැද පෙරදිග පවතින තත්වය මත ජනාධිපති ට්‍රම්ප් රාජ්‍ය නායකයින් සමඟ රාත්‍රී භෝජන සංග්‍රහයෙන් පසු පිටව යන බව වාර්තාවල සදහන්.
සමුළුව අතරතුර අගමැති ඇල්බනීස් තවත් විදේශ නායකයින් හමුවීමට නියමිතව තිබෙනවා.
මෙහිදී ට්‍රම්ප් සම්බන්ධයෙන් අවදානය යොමුවී තිබුනේ බදු පිළිබඳ ගැටලු සහ තවත් කරුණු කිහිපයක් හේතුවෙන්.
