ව්‍යාජ දන්ත වෛද්‍යවරයෙක් පිලිබඳව ඔස්ට්‍රේලියාවේ සෞඛ්‍ය පාලන ආයතනය වන Australian Health Practitioner විසින් අනතුරු අඟවා තිබෙනවා.
මෙම වෛද්‍යවරයා අපරාධ නඩු විභාගයකට මුහුණ දී සිටින සේවය අත්හිටුවන ලද පුද්ගලයෙකු බවයි වාර්තා වන්නේ.
Peter Terzi හා Peter Taylor ලෙස පෙනී සිටින මෙම වෛද්‍යවරයාගේ වෘත්තීය බලපත්‍රය අත්හිටුවා නැවත ලියාපදිංචී වීමද තහනම් කර තිබෙනවා.
සෞඛ්‍ය පාලන ආයතනය සදහන් කලේ මොහු තවමත් ලියාපදිංචි වෛද්‍යවරයෙකු ලෙස පෙනී සිටිමින් රෝගීන්ට ප්‍රතිකාර කරන බවයි.
මේ හේතුවෙන් රෝගීන්ට දැඩි අවදානමක්ද ඇතිවිය හැකි බව ආයතනය සදහන් කර සිටියා.
තවද ඔහුගෙන් වෛද්‍ය සේවාවක් ලබාගෙන ඇති පුද්ගලයන් සෞඛ්‍ය පාලන ආයතනය වෙත ඒ පිලිබඳව දැනුවත් කරන ලෙසද දන්වා තිබෙනවා.
