ඔස්ට්‍රේලියා පොස්ට් විසින් රට තුළ ප්‍රථම වරට කථා කරන තැපැල් පෙට්ටි ස්ථාපනය කර තිබෙනවා.
මෙම කථා කරන තැපැල් පෙට්ටි නවතම මුහුණුවරක් ගනිමින්, පැරණි ක්‍රමයට ආදරණීයයෙකුට තැපැල් පතක් යැවීමට ජනතාව දිරිමත් කරන ක්‍රමයක් බව ඔස්ට්‍රේලියා පොස්ට් සදහන් කර සිටියා.
තැපැල් පෙට්ටි තාවකාලිකව වික්ටෝරියා, කැන්බරා සහ සිඩ්නි නගරවල ස්ථාපිත කර තිබෙනවා.
“You can make a difference with a connection, ”A little hello goes a long way” , සහ “Send a note to someone special.” යන යෙදුම් භාවිතා කර තැපැල් පෙට්ටිය පුද්ගලයින් ආමන්ත්‍රණය කරනු ලබනවා.
මෙය භාවිතා කිරීමට කැමති ඕනෑම අයෙකුට ළඟම ඇති තැපැල් කාර්යාලයට ගොස් විශේෂයෙන් නිර්මාණය කරන ලද තැපැල් කාඩ්පතක් ඉල්ලා සිටිය හැකි බව ඔස්ට්‍රේලියා පෝස්ට් කියා සිටියා.
මෙම මාසයේ තැපැල්පත් මිලියන පහක් ලබා දීම සඳහා Beyond Blue සමඟ රටපුරා දියත් කරන ලද ව්‍යාපෘතියක කොටසක් ලෙස මෙය පිහිටුවා තිබෙනවා.
මෙම විශේෂ තැපැල් කාඩ්පත් ප්‍රසිද්ධ ඔස්ට්‍රේලියා චිත්‍ර ශිල්පිනි Jocelyn Proust විසින් නිර්මාණය කරන ලද්දක් වනවා.
