කොළඹ මහනගර සභාවේ පුරපති ධුරය ජාතික ජන බලවේගයේ ව්‍රායි කැලී බල්තසාර්ට හිමිව තිබෙනවා.
නගරාධිපතිවරයා තේරීම වෙනුවෙන් පැවති රහස් ඡන්ද විමසීමේදී නිකුත්කළ ඡන්ද පත්‍රිකා ප්‍රමාණය 117 ක් වන අතර ඉන් වලංගු ඡන්ද සංඛ්‍යාව වූයේ 115 යි.
ඡන්ද පත්‍රිකා 2 ක් ප්‍රතික්ෂේප වී තිබෙනවා.
ඒ අනුව ඡන්ද 61 ක් ලබාගනිමින් කොළඹ මහ නගර සභාවේ පුරපති ධුරයට ජාතික ජන බලවේගයේ ව්‍රායි කැලී බල්තසාර් තේරීපත්වුණා.
විපක්ෂය නියෝජනය කළ සමගි ජන බලවේගයේ රීසා සරුක් ලබාගත්තේ ඡන්ද 54 ක් පමණයි.
මේ අතර නියෝජ්‍ය නගරාධිපති ධුරය හේමන්ත කුමාර මන්ත්‍රීවරයාට නිතරඟයෙන්ම හිමිවුණා.
මෙහිදී නගරාධිපතිනිය රැස්වීම අමතමින් ඉල්ලාසිටියේ පක්ෂ භේදයකින් තොරව රට ගොඩනැගීමට සියලුදෙනා එක්වන ලෙසයි.
