සති හතක් වයසැති බිළිදෙකුට දිර්ඝ කාලයක සිට ශාරීරික අපයෝජන සිදුකළ පුද්ගලයෙකු බ්‍රිස්බන් හිදී අත්අඩංගුවට ගෙන තිබෙනවා.
පසුගිය මාර්තු 5 වන දින මෙම සති හතේ බිළිදාව බ්‍රිස්බන් පුරුෂයෙකු විසින් ක්වින්ස්ලන්ඩ් ළමා රෝහලට ඇතුලත් කර තිබුණා.
එම අස්ථාවේ වෛද්‍ය පරීක්ෂණවලින් අනාවරණය වී ඇත්තේ බිළිඳාට ශාරීරික අපයෝජන සිදුකළ බවට තහවුරු වන තුවාල සිදුව ඇති බවයි.
ඒ අනුව දරුවාට රැකවරණය දුන් 27 හැවිරිදි පිරිමියා සහ 26 හැවිරිදි කාන්තාව වහා එම රැකවරණයෙන් ඉවත් කිරීමටයි පොලීසිය කටයුතු කර ඇත්තේ.
එමෙන්ම දරුවා රෝහලට රැගෙන ආ මෙම පුරුෂයාට ශාරීරික හානි සිදුකර පහරදීම් තුනක් සහ වධහිංසා පැමිණවීම් සම්බන්ධයෙන් අත්අඩංගුවට ගැනුණුා.
ඔහුට ඇප ඉල්ලීම් ප්‍රතික්ෂේප වී ඇති අතර අද අධිකරණයට පෙනී සිටිමට නියමිතයි.
