බටහිර ඔස්ට්‍රේලියාවේ දකුණු වෙරළ තීරයේ තල්මසුන්ගේ ප්‍රජනනය පිළිබඳ අධ්‍යයනයක් සිදු කිරීමට පර්යේෂකයන් පිරිසක් පියවර ගෙන තිබෙනවා.
එම වෙරළ තීරය තල්මසුන් සඳහා ප්‍රධාන අභිජනන භූමියක් වනවා.
එහෙත් තල්මසුන් දඩයම් කිරීම හේතුවෙන් ඔවුන්ගේ ගහණය අඩු මට්ටමකයි පවතින්නේ.
තල්මසුන් අභිජනන කාල රාමු වෙනස් වීමට හේතුව සොයා බැලීම පර්යේෂකයන් අරමුණ වනවා.
සෑම ශීත කාලයකම තල්මසුන් බටහිර ඕස්ට්‍රේලියාවේ දකුණු වෙරළට පැමිණ තම පැටවුන් බිහි කරනවා.
පර්ත් නගරයේ සිට 520km ක් දුරින් පිහිටා ඇති Point Ann වෙරළ මෙම සත්වයන්ගේ ප්‍රජනන හැසිරීම් අධ්‍යයනය කිරීමට ඇති හොඳම ස්ථානය බවයි පර්යේෂකයන් පවසන්නේ.
1970 වසරේ සිට වාණිජ දඩයම අවසන් වීමෙන් පසු තල්මසුන් ගහණය වැඩි නොවීමට හේතුව සෙවීම ද ඔවුන්ගේ ප්‍රධාන අරමුණක් වී තිබෙනවා.
