ඕස්ට්‍රේලියාවේ Powerball $ මිලියන 100 ක ජයග්‍රාහකයා තවමත් තහවුරු වී නොමැති බව වාර්තා වනවා.
දිනුම් ඇදීමෙන් පැය 24 කට වැඩි කාලයක් ගතවී ඇතත් වාසනාවන්තයා තවමත් සොයාගෙන නැහැ.
ඔක්ස්ෆර්ඩ් වීදියේ [Oxford Street] බොන්ඩි මංසන්ධියේ [Bondi Junction] පිහිටි Newsagency & Internet Café ස්ථානයෙන් මිලදී ගත් ටිකට් පතකට මෙම දිනුම හිමිවී තිබුණා.
එහෙත් ටිකට් පතට සම්බන්ධ ලියාපදිංචි විස්තර නොමැතිවීම හේතුවෙන් The Lott හට තවමත් ජයග්‍රාහකයා සම්බන්ධ කර ගැනීමට නොහැකි වී තිබෙනවා.
නිලධාරීන් සිඩ්නි හි නැගෙනහිර ජනතාවට උපදෙස් දී ඇත්තේ තම ටිකට්පත් වහාම පරීක්ෂා කරන ලෙසයි.
ජුනි 12 වන බ්‍රහස්පතින්දා දිනුම් ඇදුණු ජයග්‍රාහී අංක වන්නේ 28, 10, 3, 16, 31, 14 සහ 21 වන අතර පවර්බෝල් අංකය 6 යි.
මේ අතර ජයග්‍රාහී ටිකට්පත විකිණූ කාර්ය මණ්ඩල සාමාජිකයාට ද ත්‍යාග පිරිනැමීමට නියමිතයි.
