ලොව පුරා ගුවන් සේවා සපයන්නන් 142 ක් විශ්ලේෂණය කරමින් 42kft.com ආයතනය ලෝකයේ ආරක්ෂාවෙන් වැඩිම ගුවන් සමාගම් නම්කර තිබෙනවා.
ඉන් පළමු ස්ථානය දිනා ගැනීමට ඔස්ට්රේලියා ගුවන් සමාගමක් වන Qantas ගුවන් සමාගම සමත් වී තිබෙනවා.
එහි නියමුවන් විශිෂ්ට පුහුණුවක් ලත්, වඩාත්ම විනයගරුක සහ වඩාත්ම වෘත්තීයමය නියමුවන් වන බවයි වැඩිදුරටත් සදහන් වන්නේ.
එහි ප්‍රධාන සංස්කාරක Geoffrey Thomas කියා සිටියේ Qantas ගුවන් සමාගමේ ආරක්ෂක පද්ධති විශිෂ්ට ඒවා වන බවයි.
පසුගිය වසර 60 තුළ Qantas ගුවන් සේවය තම ආරක්ෂක පද්ධති සැම විටම නවීකරණය කල ඇති බවද ඔහු සදහන් කර සිටියා.
එම පර්යේෂණය අනුව දෙවැනි ආරක්ෂිතම ගුවන් සමාගම Qatar Airways ලෙසයි නම් කර ඇත්තේ.
එහි තුන්වන, හතරවන සහ පස්වන ස්ථාන පිළිවෙලින් Air New Zealand, Cathay Pacific Airways සහ Emirates යන සමාගම් හිමිකරගනු ලැබුවා.
Virgin Australia ගුවන් සමාගම හය වන ස්ථානය හිමිකරගත් අතර ඔස්ට්‍රේලියාවේ ගුවන් සමාගම් දෙකක් ආරක්ෂාවෙන් වැඩිම සමාගම් ලෙස නම් වීම විශේෂත්වයක් වනවා.
